​एक था राजा एक थी राणी या मालिकेत सुरखा सिक्री यांचे पुनरागमन

​एक था राजा एक थी राणी या मालिकेत सुरखा सिक्री राणी माँ ही भूमिका साकारत होत्या. या मालिकेत त्यांचा मृत्यू झाल्याचे दाखवण्यात आले होते. आता या मालिकेत त्यांचे पुनरागमन होणार असून त्या भूताच्या भूमिकेत प्रेक्षकांना पाहायला मिळणार आहेत.

​एक था राजा एक थी राणी या मालिकेत सुरखा सिक्री यांचे पुनरागमन
Published: 15 Mar 2017 02:55 PM  Updated: 15 Mar 2017 02:55 PM

एक था राजा एक थी राणी या मालिकेच्या कथानकाला आता एक वेगळे वळण मिळणार आहे. या मालिकेत सुरेखा सिक्री यांचे पुनरागमन होणार आहे. या मालिकेच्या सुरुवातीला त्यांनी या मालिकेत राणी माँ ही भूमिका साकारली होती. या मालिकेत त्यांचा मृत्यू झाल्याचे प्रेक्षकांना पाहायला मिळाले होते. आता या मालिकेत सुरेखा सिक्री भूत म्हणून प्रेक्षकांच्या भेटीस येणार आहेत. या मालिकेत आता प्रेक्षकांना राणी माँचे भूत पाहायला मिळणार आहे. 
सुरेखा सिक्री यांच्या पुनरागमनाप्रमाणेच या मालिकेत प्रेक्षकांना एक नवी एंट्री पाहायला मिळणार आहे. या मालिकेत सुनीला करमकरची एंट्री होणार असून ती या मालिकेत विंध्यवासिनी ही भूमिका साकारणार आहे. या मालिकेत ती एका तांत्रिकाच्या भूमिकेत दिसणार आहे. ही तांत्रिक लोकांमध्ये आणि आत्म्यांमध्ये संवाद साधण्यासाठी एक माध्यम म्हणून काम करते. ती माध्यम बनून राजा आणि नैनाला राणी आणि राणी माँचा संदेश देणार आहे. याविषयी सुरेखा सिक्री सांगतात, "मी एक था राजा, एक थी राणी या मालिकेत परत येण्यासाठी खूप उत्सुक आहे. या मालिकेत प्रेक्षकांना आता खूप सारी सरप्राईझेस मिळणार आहेत. राणी माँ जिवंत असताना त्यांनी नेहमीच राजा आणि राणीच्या आयुष्यात खलनायिकेची भूमिका बजावली आहे. मी मृत्युनंतरही त्या दोघांना त्रासच देणार आहे. प्रेक्षक मला पहिल्यांदाच भूताच्या भूमिकेत पाहाणार आहेत. मी माझ्या कारकिर्दीत कधीच भूताची भूमिका साकारली नसल्याने ही भूमिका साकारण्यासाठी मी खूपच उत्सुक आहे." 
या मालिकेत सध्या इशा सिंगदेखील भूताच्या भूमिकेत प्रेक्षकांना पाहायला मिळत आहे. इशा या मालिकेत सध्या नैना आणि राणी अशा दुहेरी भूमिका साकारत आहे




गोलमाल अगेन या चित्रपटाबाबत उत्सुक आहात का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :