मदिराक्षी मुंडलेनंतर दाक्षिणात्य अभिनेत्री कार्तिका नायर झळकणार मालिकेत

मदिराक्षी मुंडले ही दाक्षिणात्य अभिनेत्री सिया के राम या मालिकेत झळकली होती आणि तिच्यानंतर आता कार्तिका नायर ही दाक्षिणात्य अभिनेत्री दिग्दर्शक गोल्डी बेहलच्या मालिकेत काम करणार आहे. या मालिकेत रजनीश दुग्गलचीदेखील प्रमुख भूमिका आहे.

मदिराक्षी मुंडलेनंतर  दाक्षिणात्य अभिनेत्री कार्तिका नायर झळकणार मालिकेत
Published: 20 Dec 2016 10:45 PM  Updated: 21 Dec 2016 04:48 PM

सिया के राम या मालिकेत झळकलेल्या मदिराक्षी मुंडलेने अनेक दाक्षिणात्य चित्रपटात काम केले होते. दाक्षिणात्य चित्रपटांमध्ये तिला तितकीशी प्रसिद्धी मिळाली नाही. त्यानंतर ती छोट्या पडद्याकडे वळली. पण सिया के राम या मालिकेने तिला प्रचंड प्रसिद्धी मिळवून दिली. तिने साकारलेली सिता प्रेक्षकांना खूपच आवडली आणि आता तिच्यानंतर आणखी एक दाक्षिणात्य अभिनेत्री छोट्या पडद्यावर झळकणार आहे. 
कार्तिका नायर असे या अभिनेत्रीचे नाव असून ती प्रसिद्ध दाक्षिणात्य अभिनेत्री राधाची मुलगी आहे. कार्तिका रजनीश दुग्गलसोबत मालिकेत झळकणार आहे. रजनिश प्रसिद्ध अभिनेता असण्यासोबतच मिस्टर इंडिया आहे. रजनीश आणि कार्तिकाची प्रमुख भूमिका असणारी ही आरंभ मालिका बिग बजेट असून ही केवळ 100 भागांचीच असणार आहे. द्रविड आणि आर्यन यांच्यात पूर्वी असलेल्या वादावर आधारित ही मालिका असणार आहे. या मालिकेचे दिग्दर्शन प्रसिद्ध दिग्दर्शक गोल्डी बेहल करणार आहे. या मालिकेद्वारे गोल्डी छोट्या पडद्यावर दिग्दर्शक म्हणून पदार्पण करणार आहे. गोल्डी बेहल हा सोनाली बेद्रेंचा नवरा असून त्याने द्रोणा, बस इतना सा ख्वाब है यांसारख्या चित्रपटांचे दिग्दर्शन केले आहे.
अमिताभ बच्चन, सलमान खान, शाहरुख खान यांसारखे मोठ्या पडद्यावरील दिग्गजही छोट्या पडद्यावर काम करताना आपल्याला दिसत आहे. छोटा पडदा आता सगळ्यांनाच खुणवू लागला आहे. त्यामुळे दाक्षिणात्य अभिनेतेदेखील छोट्या पडद्यावर काम करण्यास उत्सुक आहेत. 
कार्तिका छोट्या पडद्यावर आपला जम बसवते की नाही हे आपल्याला काहीच दिवसांतच कळणार आहे. 


पद्मावती चित्रपटाला होत असलेला विरोध योग्य आहे असे तुम्हाला वाटते का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :