​रिअल लाइफ कपल राजेश खट्टर आणि वंदना सजनानी झळकणार मालिकेत

राजेश खट्टर आणि वंदना सजनानी हे खऱ्या आयुष्यातील कपल आता एका मालिकेत एकत्र पाहायला मिळणार आहेत. राजेशने नुकतेच बेहद या मालिकेत काम केले होते तर वंदना सात वर्षांनंतर छोट्या पडद्यावर परतत आहे.

​रिअल लाइफ कपल राजेश खट्टर आणि वंदना सजनानी झळकणार मालिकेत
Published: 21 Feb 2017 12:56 PM  Updated: 21 Feb 2017 12:56 PM

राजेश खट्टरने डॉन 2, रेस 2, सपना बाबुल का बिदाई यांसारख्या अनेक मालिकांमध्ये काम केले आहे. नुकताच तो बेहद या मालिकेत झळकला होता. या मालिकेत त्याने नकारात्मक भूमिका साकारली असली तरी प्रेक्षकांना त्याची भूमिका प्रचंड आवडली होती. या मालिकेत नुकतेच त्याचे निधन झाल्याचे दाखवण्यात आले. त्यांच्या निधनामागचे रहस्य कधी उलगडणार याची प्रेक्षकांना उत्सुकता लागलेली आहे. राजेशची मालिकेतून एक्झिट झाल्यापासून प्रेक्षक त्याला चांगलेच मिस करत आहेत.
राजेशच्या फॅन्ससाठी एक चांगली बातमी आहे. तो लवकरच एका मालिकेत काम करणार असून या मालिकेच्या चित्रीकरणाला त्याने सुरुवात केली आहे. 
राजेश या नव्या मालिकेत प्रेक्षकांना एका वेगळ्या रूपात पाहायला मिळणार असून त्याची भूमिकादेखील खूपच वेगळी असणार आहे आणि विशेष म्हणजे त्याची खऱ्या आयुष्यातील पत्नी वंदना सजनानी या मालिकेत त्याच्या पत्नीच्या भूमिकेत दिसणार आहे. 24 फ्रेम्स ही कंपनी या मालिकेची निर्मिती करत असून फतमागुल या तुर्कीश मालिकेवर ही मालिका आधारित असणार असल्याचे कळतेय. 
वंदना आणि राजेश गेली गेली अनेक वर्षं छोट्या पडद्यावर काम करत असले तरी त्यांनी कधीच एकमेकांसोबत काम केलेले नाही. आता पहिल्यांदात ते दोघे या मालिकेत एकत्र पाहायला मिळणार आहेत. त्या दोघांची रिअल लाइफ केमिस्ट्री प्रेक्षकांना या मालिकेत अनुभवायला मिळणार आहे. वंदना गेल्या काही वर्षांपासून छोट्या पडद्यापासून दूर होती. आता ती या मालिकेद्वारे सात वर्षांनंतर छोट्या पडद्यावर कमबॅक करत आहे. 
राजेश आणि वंदना सध्या या मालिकेचे चित्रीकरण धर्मशाला येथे करत असल्याचे म्हटले जात आहे. 



गोलमाल अगेन या वर्षातील सगळ्या चित्रपटांचे रेकॉर्ड मोडणार का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :