क्या कसूर है अमला का? या मालिकेतील पंखुडी अवस्थीने केले धरमशालाच्या थंडीत चित्रीकरण

क्या कसूर है अमला का? या मालिकेत पंखुडी अवस्थी प्रमुख भूमिका साकारत आहे. या मालिकेच्या काही भागांचे चित्रीकरण नुकतेच धरमशालामध्ये करण्यात आले. त्यावेळी तिथे कडाक्याची थंडी होती. पण तरीही वारंवार सुटणारा सुसाट्याचा वारा आणि बर्फवृष्टी यांना तोंड देत कलाकारांनी चित्रीकरण केले.

क्या कसूर है अमला का? या मालिकेतील पंखुडी अवस्थीने केले धरमशालाच्या थंडीत चित्रीकरण
Published: 21 Mar 2017 05:08 PM  Updated: 21 Mar 2017 05:08 PM

क्या कसूर है अमला का? ही मालिका लवकरच प्रेक्षकांच्या भेटीस येणार आहे. ही मालिका आजवरच्या छोट्या पडद्यावरील सगळ्या मालिकांपेक्षा वेगळी असणार असल्याचे या मालिकेच्या टीमचे म्हणणे आहे. त्यामुळे ही मालिका छोट्या पडद्यावर एक नवा इतिहास घडवणार अशी या मालिकेच्या टीमला खात्री आहे. या मालिकेत अनेक दिग्गज कलाकार प्रेक्षकांना पाहायला मिळणार आहेत.
रझिया सुलतान, सूर्यपुत्र कर्ण यांसारख्या मालिकांमध्ये प्रमुख भूमिका साकारणारी पंखुडी अवस्थी या मालिकेत प्रमुख भूमिका साकारत आहे. या मालिकेचे चित्रीकरण काही दिवसांपूर्वी धरमशाला येथे सुरू होते. या मालिकेचे चित्रीकरण करत असताना पंखुडीला अनेक अडचणींना तोंड द्यावे लागले होते. धरमशाला येथे कडाक्याची थंडी असतानादेखील या मालिकेच्या टीमने अनेक दिवस चित्रीकरण केले. वारंवार सुटणारा सुसाट्याचा वारा आणि बर्फवृष्टी यांना तोंड देतच या टीमला चित्रीकरण करावे लागले होते. पण अशा प्रतिकूल हवामानातही पंखुडीने अप्रतिम अभिनय केला. याविषयी पंखुडी सांगते, "धरमशाला ही जागा अतिशय सुंदर आहे. अतिशय निसर्गरम्य असे ते ठिकाण असून तिथे आम्ही नुकतेच चित्रीकरण केले. पण तिथे चित्रीकरण करत असताना आम्हाला तिथे बदललेल्या प्रतिकूल हवामानाचा सामना करावा लागला. तिथे खूपच थंडी होती. चित्रीकरण करणे खूपच कठीण होते. पण त्याही परिस्थितीत मी माझे 100 टक्के दिले आणि अभिनय केला. तिथे आम्ही अनेक महिने चित्रीकरण केले. इतक्या कडाक्याच्या थंडीचा केवळ एका स्वेटरने मुकाबला करणे खरे तर कठीण होते. पण तरीही या मालिकेसाठी मी ते आव्हान आनंदाने स्वीकारले. 




हाफ गर्लफ्रेंड हिंदी मीडियमवर भारी पडेल असे तुम्हाला वाटते का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :