​घाटच्या निमित्ताने उमेश जगताप आणि मिताली जगताप पहिल्यांदाच एकत्र

​घाट या चित्रपटाच्या निमित्ताने उमेश आणि मिताली जगताप यांची जोडी पहिल्यांदाच आपल्याला पाहायला मिळणार आहे. त्यांच्याशिवाय या चित्रपटामध्ये यश कुलकर्णी आणि दत्तात्रय धर्मे या दोन बालकलाकारांच्या मुख्य भूमिका आहेत.

​घाटच्या निमित्ताने उमेश जगताप आणि मिताली जगताप पहिल्यांदाच एकत्र
Published: 11 Dec 2017 10:09 AM  Updated: 11 Dec 2017 10:09 AM

अभिनेता उमेश जगताप आणि अभिनेत्री मिताली जगताप यांनी रंगभूमी, मालिका, रुपेरी पडदा अशा विविध माध्यमातून सर्वच ठिकाणी आपल्या अभिनयाचा ठसा उमटवला आहे. सर्वच माध्यमांवर अधिराज्य गाजवणारे असे कलाकार जेव्हा प्रथमच एकत्र येतात. तेव्हा सर्वांचंच लक्ष वेधून घेण्यात यशस्वी होतात. आतापर्यंत मोजक्या पण हटके भूमिका करणारे हे दोन चतुरस्त्र कलाकार  आगामी घाट या मराठी चित्रपटाच्या निमित्ताने प्रथमच एकत्र झळकणार आहेत. जरे एंटरटेन्मेंटची प्रस्तुती असलेला घाट हा चित्रपट १५ डिसेंबरला प्रेक्षकांच्या भेटीला येणार आहे. सचिन जरे यांची निर्मिती असलेल्या या चित्रपटाचे दिग्दर्शन राज गोरडे यांनी केले आहे.
उमेश यांनी यात ‘जग्गू’ तर राष्ट्रीय पुरस्कार विजेत्या मितालीने विमल ही व्यक्तीरेखा साकरली आहे. घाटमध्ये प्रेक्षकांना उमेशचे अत्यंत वेगळे रूप पाहायला मिळणार आहे. याबाबत उमेश सांगतात की, या चित्रपटातील माझी भूमिका काहीशी निगेटिव्ह आहे. घाटावर वास्तव्य करणाऱ्या एका कुटुंबातील बेफिकीर बापाची भूमिका मी साकारली आहे. या चित्रपटाच्या निमित्ताने मितालीसारख्या प्रतिभावान अभिनेत्रीसोबत प्रथमच काम करण्याची संधी लाभली. सोशिक बायको, मुलाच्या शिक्षणासाठी आणि कुटुंबासाठी धडपडणारी आई यात मितालीने साकरली असून या भूमिकेला अनेक कंगोरे आहेत. जे माझ्यातील कलाकार घडवण्यासाठी निश्चितच महत्त्वपूर्ण असल्याचे अभिनेत्री मिताली जगताप यांनी सांगितले.
तीर्थक्षेत्रांच्या ठिकाणी राहणाऱ्या कुटुंबांच्या जगण्यातील वास्तव चित्रपटाच्या चौकटीमध्ये मांडण्याचा प्रयत्न दिग्दर्शक राज गोरडे यांनी केला आहे. घाटच्या निमित्ताने प्रेक्षकांना वास्तववादी कथानक आणि लोकेशन्सचा अनोखा संगम पाहायला मिळणार आहे.  चित्रपटाची कथा, पटकथा आणि संवाद राज गोरडे यांनी लिहिले असून उमेश आणि मिताली सोबतच यश कुलकर्णी आणि दत्तात्रय धर्मे या दोन लहान मुलांच्या तसेच रिया गवळी यांच्याही घाट मध्ये भूमिका आहेत. अमोल गोळे यांनी या चित्रपटाचे छायांकन केले आहे. १५ डिसेंबरला घाट हा चित्रपट प्रेक्षकांच्या भेटीस येणार आहे. हा चित्रपट प्रेक्षकांना नक्कीच आवडेल अशी या चित्रपटाच्या टीमला खात्री आहे. 

Also Read : आईने केलेल्या विनवणींमुळे या कलाकाराला मिळाली घाट या चित्रपटात काम करण्याची संधी


पद्मावत चित्रपट बॉक्स ऑफिसवर हिट ठरेल असे तुम्हाला वाटते का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :