बापजन्म: बाप लेकाचे नाते उलगडणार सचिन खेडेकर

बापजन्म’ १५ सप्टेंबर रसिकांच्या भेटीला येणार असूनआधीच्या सिनेमांप्रमाणेच हा सिनेमाही रसिक डोक्यावर घेतील अशी आशा व्यक्त केली जात आहे.

बापजन्म: बाप लेकाचे नाते उलगडणार सचिन खेडेकर
Published: 24 Jul 2017 11:26 AM  Updated: 24 Jul 2017 11:47 AM

मराठी रुपेरी पडदयावर विविध कथा संकल्पनेवर आधारीत चित्रपटांची निर्मिती होतेय.नवा आशय आणि नवा सिनेमा बापजन्म रसिकांच्या भेटीला येण्यास सज्ज झाला आहे.‘मराठी कास्टिंग काऊच’ या वेबसिरीजच्या माध्यमातून निपुण धर्माधिकारी नावारूपाला आला. अत्यंत नाविन्यपूर्ण आणि वेगळ्या संकल्पनेच्या माध्यमातून निपूण युवकांमध्येही लोकप्रिय बनवला आहे. 'बापजन्म' या सिनेमाचे दिग्दर्शन निपुण धर्माधिकारीने  केले आहे. काही दिवसांपूर्वीच निपूणने सिनेमाची घोषणा केली आणि तेव्हापासून सिनेमा वेगवेगळ्या गोष्टींमुळे रसिकांमध्ये चर्चेचा विषय ठरू लागलाय. मुळात ‘बापजन्म’या आगळ्या वेगळ्या टायटलमुळे सिनेमा रसिकांना मनोरंजनासह एक विचार करायला भाग पाडणारा सिनेमा ठरणार असल्याचे बोलले जात आहे.या सिनेमाचे खास वैशिष्ट्य म्हणजे सिनेमात मुख्य भूमिकेत सचिन खेडेकर झळकणार आहेत.निपूणने सिनेमाचे पोस्टर त्याच्या फेसबुक पेजवर शेअर केले आहे.शेअर केलेल्या पोस्टरला ''बऱ्याच दिवसांनी आपल्यात संवाद होणार आहे आणि मी मनापासून बोलणार आहे. इतकंच म्हणेन की तुम्हीपण मनापासून ऐका!'' असे कॅप्शनही दिले आहे.सिनेमा रिलीज होण्याआधीच हटके प्रमोशनमुळं या सिनेमानं रसिकांमध्ये उत्कंठा निर्माण केलीय.‘बापजन्म’ १५ सप्टेंबरला रसिकांच्या भेटीला येणार असून आधीच्या सिनेमांप्रमाणेच हा सिनेमाही रसिक डोक्यावर घेतील अशी आशा व्यक्त केली जात आहे.सिनेमाच्या टायटलवरून बाप लेकाचे नाते सिनेमातून उलगडले जाणार अशा आशयाची कथा असल्याचे बोलले जात आहे.‘बापजन्म’ 'मी शिवाजीराजे भोसले बोलतोय', 'शिक्षणाच्या आयचा घो', 'हापूस', 'आयडीयाची कल्पना', 'तुकाराम', 'आजचा दिवस माझा', 'हॅप्पी जर्नी', 'कॉफी आणि बरेच काही', 'टाईम प्लीज', 'मुंबई-पुणे-मुंबई २' यांसारखे अनेक गाजलेले सिनेमा देणाऱ्या ‘एव्हरेस्ट एन्टरटेन्मेंट’ची प्रस्तुती आहे.


गोलमाल अगेन या वर्षातील सगळ्या चित्रपटांचे रेकॉर्ड मोडणार का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :