​स्पृहा जोशी झळकणार दाक्षिणात्य सिनेमात

अग्निहोत्र, एका लग्नाची दुसरी गोष्ट, एका लग्नाची तिसरी गोष्ट, उंच माझा झोका यांसारख्या मालिकांमुळे नावारूपाला आलेली ​स्पृहा जोशी आता दाक्षिणात्य सिनेमात झळकणार आहे. हा बातमी तिने स्वतः ट्वीट करून ही बातमी तिच्या फॅन्सना दिली आहे आणि त्यासोबत तिने एक फोटोदेखील पोस्ट केला आहे. या फोटोतील तिचा लूक पाहाता तिच्या दाक्षिणात्य चित्रपटातील हा लूक असावा असेच वाटत आहे.

​स्पृहा जोशी झळकणार दाक्षिणात्य सिनेमात
Published: 08 Apr 2017 11:52 AM  Updated: 08 Apr 2017 11:52 AM

मराठीतील अनेक कलाकार दाक्षिणात्य चित्रपटात सध्या खूप चांगले काम करत आहेत. नेहा पेंडसे, श्रुती मराठे, सय्याजी शिंदे यांसारख्या कलाकारांनी तर दाक्षिणात्य इंडस्ट्रीत आपले एक वेगळे प्रस्थ निर्माण केले आहे. सय्याजी शिंदे यांनी तर दक्षिणेतील अनेक भाषांमध्ये काम केले असून तेथील महत्त्वाच्या कलाकारांमध्ये त्यांची गणना केली जाते. या कलाकारानंतर आता स्पृहा जोशी दाक्षिणात्य चित्रपटात काम करण्यास सज्ज झाली आहे. तिने स्वतः ट्वीट करून ही बातमी तिच्या फॅन्सना दिली आहे आणि त्यासोबत तिने एक फोटोदेखील पोस्ट केला आहे. या फोटोतील तिचा लूक पाहाता तिच्या दाक्षिणात्य चित्रपटातील हा लूक असावा असेच वाटत आहे.
स्पृहाने आज एक अभिनेत्री, गीतकार म्हणून स्वतःचे नाव कमावले आहे. तिने दे धमाल या मालिकेपासून तिच्या कारकिर्दीला सुरुवात केली. त्यानंतर अग्निहोत्र, एका लग्नाची दुसरी गोष्ट, एका लग्नाची तिसरी गोष्ट, उंच माझा झोका यांसारख्या मालिकांमध्ये ती झळकली. या सगळ्याच मालिकांमधील तिच्या भूमिका प्रेक्षकांनी डोक्यावर घेतल्या होत्या. तसेच समुद्र, डोण्ट वरी बी हॅपी यांसारख्या नाटकातून तिने तिची अभिनयक्षमता दाखवून दिली. पैसा पैसा, मोरया, जाऊ द्या ना बाळासाहेब, बायोस्कोप, अ पेइंग गेस्ट यांसारख्या चित्रपटातील तिच्या भूमिका गाजल्या. मराठी चित्रपटात आपली एक ओळख बनवल्यानंतर आता स्पृहा दाक्षिणात्य सिनेमांमध्ये आपले भाग्य आजमावणार आहे. या सिनेमाचे नाव किंवा सिनेमात स्पृहाची भूमिका काय असणार याबाबत अद्याप तरी तिने मौन राखणेच पसंत केले आहे. पण स्पृहा तिच्या कसदार अभिनयाने दाक्षिणात्य चित्रपटसृष्टीवरदेखील राज्य करेल यात काही शंकाच नाही. 




कंगना राणौतचा सिमरन हा चित्रपट बॉक्स ऑफिसवर हिट ठरेल का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :