OMG : ​...तर हे आहे ‘अमर ज्योत’ धबधब्याचे रहस्य !

याठिकाणी एक ज्योत नेहमी तेवत राहते. पाण्याच्या मध्ये ज्योत हेच येथील सर्वात मोठे आकर्षण आहे. ही ज्योत अक्षय असल्याचे सांगितले जाते मात्र ते खरे नाही.

OMG : ​...तर हे आहे ‘अमर ज्योत’ धबधब्याचे रहस्य !
Published: 28 Apr 2017 01:23 PM  Updated: 28 Apr 2017 01:23 PM

न्यूयॉर्कमधील चेस्टनट रिजनल पार्क मध्ये एक लहानसा धबधबा असून त्याला अमर ज्योत धबधबा किंवा इटरनल फ्लेम फॉल असेही म्हणतात. असे म्हणण्याचे कारण म्हणजे याठिकाणी एक ज्योत नेहमी तेवत राहते. पाण्याच्या मध्ये ज्योत हेच येथील सर्वात मोठे आकर्षण आहे. ही ज्योत अक्षय असल्याचे सांगितले जाते मात्र ते खरे नाही. कधीकधी ही ज्योत विझते पण त्याचवेळी तेथे गेलेले कोणी हायकर, ट्रेकर ती पुन्हा प्रज्वलित करतात. 
१२१३ एकर परिसरात असलेले हे उद्यान हायकिग ट्रेलस, सायकलींग ट्रॅक, मैदाने, टेनिस कोर्ट, पर्यटकांसाठी विविध सुविधांनी युक्त असलेले हे स्थळ प्रामुख्याने उन्हाळी पर्यटन स्थळ आहे. मात्र ज्या कारणाने हे ठिकाण प्रसिद्ध आहे त्या इटरनल फ्लेम धबधब्यापाशी पर्यटकांची फारशी गर्दी नसते. येथे जाताच कुजक्या अंड्यासारखा वास येऊ लागतो. हा वास धबधब्याच्या खडकांखाली असलेला व लीक होत असलेल्या नैसर्गिक गॅसचा आहे. या धबधब्यात एक गुहेसारखा भाग असून याच्या आत गॅस लिक होतो तेथेच ही फ्लेम पेटते. गुहेप्रमाणे कपार असल्याने या ज्योतीला आपोआपच पाणी व वाºयापासून संरक्षण मिळते. 
उन्हाळ्यात बर्फ वितळल्याने हा धबधबा वाहू लागतो. कधीकधी खूप पाऊस झाल्याने त्याची उंची ३० फुटांपर्यंतही वाढते. पाच फुट उंचीच्या मधल्या गुहेत ही ज्योत गॅस किती लिक होतो त्यानुसार लहान मोठी होते. कधीकधी ती चार ते ८ इंचांपर्यंतही दिसते. पाण्याचा वेग फार वाढला तर ही ज्योत कधीकधी विझते. पृथ्वीवर या प्रकारचा हा एकमेव धबधबा असल्याचे सांगितले जाते. 

हाफ गर्लफ्रेंड हिंदी मीडियमवर भारी पडेल असे तुम्हाला वाटते का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :