Beauty : सुंदर ओठांसाठी हे आहेत घरगुती प्रभावी उपाय !

ओठांची त्वचा आरोग्यपूर्ण राहावी यासाठी काही घरगुती उपाय सुचविले आहेत.

Beauty : सुंदर ओठांसाठी हे आहेत घरगुती प्रभावी उपाय !
Published: 20 Jul 2017 06:24 PM  Updated: 20 Jul 2017 06:24 PM

-रवींद्र मोरे 
शूटिंगसाठी अभिनेत्रींना नेहमी बाहेर राहावे लागते. वातावरणाचा परिणाम आपल्या सौंदर्यावर होऊ नये म्हणून त्यांना नेहमी काळजी घ्यावी लागते. विशेषत: चेहऱ्याचे सौंदर्य ओठांवर अवलंबून असते आणि ओठांची त्वचा संवेदनशील असल्याने हवामानाचा ओठांवर लवकर प्रभाव दिसून येतो. यासाठी ओठांची त्वचा आरोग्यपूर्ण राहावी यासाठी खालील उपाय सुचविले आहेत. 

* ओठांचा काळसरपणा दूर करण्यासाठी काकडीचा रस ओठांवर लावा. यामुळे काळसरपणा तर दूर होईल शिवाय ओठांचा ओलावाही वाढण्यास मदत होईल.  

* लिपस्टिकच्या अती वापरामुळे ओठांचे नुकसान होते. यासाठी बीटरूटचा एक तुकडा, मसाज केल्यासारखा हळूवारपणे ओठावरून फिरवा. यामुळे ओठांचे आरोग्य टिकून सौंदर्यही वाढण्यास मदत होईल. 

* चमकदार ओठ हवे असल्यास रोज रात्री नारळाचे तेल ओठांवर लावा.  

* वातावरणाच्या परिणामाने ओठांवर डेड स्कीन निर्माण होते. यासाठी मध आणि साखरेची बारीक पूड मिक्स करून या मिश्रणाने ओठांना हळुवार मसाज करा. यामुळे ओठांवरील डेड स्कीन निघून जाईल.

* मऊ आणि गुलाबी ओठांसाठी ग्लिसरीन आणि दह्याचे मिश्रण ओठांवर लावा. शिवाय ओठांवर पुदिन्याच्या पानांचा रस १५ मिनिटे लावून नंतर गार पाण्याने धुतल्यासही ओठ गुलाबी होण्यास मदत होते.

* ओठ कोरडे पडत असतील तर ई जीवनसत्त्व आणि बीवॅक्सयुक्त लिप बामने ओठांवर सतत मसाज करत रहा. यामुळे ओठ कोरडे पडणार नाहीत. ओठांचा ओलावा दिवसभर टिकून राहायला हवा. लिप बामऐवजी तुमचे नेहमीचे मॉइश्चरायझिंग क्रीमही लावू शकता. 

* ओठांच्या सौंदर्यासाठी बाजारातील महागडी सौंदर्य प्रसाधने वापरण्यापेक्षा वर दिलेले घरगुती उपाय केल्यास ओठांना नैसर्गिक सौंदर्य प्राप्त होईल.   


पद्मावती चित्रपटाला होत असलेला विरोध योग्य आहे असे तुम्हाला वाटते का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :