BOX OFFICE : टायगर श्रॉफने वरुण धवनला टाकले मागे, जाणून घ्या ‘बागी-२’ची कमाई!

टायगर श्रॉफच्या ‘बागी-२’ने वरुण धवनच्या ‘जुडवा-२’ला मागे टाकले आहे. आतापर्यंतच्या टायगरच्या या चित्रपटाने १३५.३५ कोटी रुपयांची कमाई केली आहे.

BOX OFFICE : टायगर श्रॉफने वरुण धवनला टाकले मागे, जाणून घ्या ‘बागी-२’ची कमाई!
Published: 10 Apr 2018 04:57 PM  Updated: 10 Apr 2018 04:57 PM

टायगर श्रॉफ स्टारर ‘बागी-२’ बॉक्स आॅफिसवर रेकॉर्डब्रेक कमाई करीत आहे. केवळ ११ दिवसांमध्येच टायगरच्या या चित्रपटाने अभिनेता वरुण धवनच्या ‘जुडवा-२’ला मागे टाकले आहे. होय, ‘जुडवा-२’चा लाइफटाइम कलेक्शनचा आकडा पार करताना टायगरने त्याचा समकालीन अभिनेता वरुण धवनला बॉक्स आॅफिसवर पिछाडीवर सोडले आहे. दरम्यान, टायगरच्या ‘बागी-२’ने दुसºया वीकएण्डपर्यंत २२.५० कोटी रुपयांची कमाई केली. शुक्रवारी चित्रपटाने ५.७० कोटी रुपयांची कमाई केल्यानंतर शनिवारी (९.३० कोटी) आणि रविवारी (९.५०) कोटींची कमाई करीत १३५.३५ कोटी रुपयांपर्यंत मजल मारली. 
 

 

A post shared by Varun Dhawan (@varundvn) on


योगायोग म्हणजे हे दोन्ही चित्रपट साजिद नाडियाडवाला यांचे आहेत. दरम्यान, अभिनेता हृतिक रोशनने अगोदरच टायगरला अल्टिमेट अ‍ॅक्शन अभिनेता म्हणून संबोधले होते. तर अक्षयकुमार आणि अनिल कपूरने त्याचे तोंडभरून कौतुक केले होते. दरम्यान, ज्या पद्धतीने टायगरने दम लावला त्यावरून त्याचा हा चित्रपट आणखी कमाई करण्याची शक्यता आहे. जाणकारांच्या मते, टायगरचा ‘बागी-२’ दोनशे कोटी रुपयांच्या आसपास मजल मारेल. 
 
 

A post shared by Tiger Shroff (@tigerjackieshroff) on


दरम्यान, टायगरने त्याच्या इन्स्टाग्रामवर एक व्हिडीओ अपलोड करताना आई-वडिलांसह ‘बागी-२’च्या सहकलाकारांचे आभार मानले. तसेच साजिद नाडियाडवाला याचेही आभार मानत प्रेक्षकांनी दिलेल्या प्रेमामुळे मी भारावून गेल्याचे त्याने म्हटले. सध्या टायगरचा हा व्हिडीओ सर्वत्र व्हायरल होत असून, त्याचा हा अंदाज चाहत्यांकडून पसंत केला जात आहे. आता टायगरचा चित्रपट बॉक्स आॅफिसवर किती कोटींपर्यंत मजल मारू शकेल, हे बघणे औत्सुक्याचे ठरणार आहे. 


मराठी बिग बॉस हिट ठरणार का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :