मिस वर्ल्ड बनण्याअगोदर प्रियांका चोप्रा करायची ‘ही’ नोकरी!

मिस वर्ल्ड ते अभिनेत्री असा प्रवास करणारी अभिनेत्री प्रियांका चोप्रा सुुरुवातीला कोणती नोकरी करायची याबाबतचा खुलासा स्वत: प्रियांकाने केला आहे.

मिस वर्ल्ड बनण्याअगोदर प्रियांका चोप्रा करायची ‘ही’ नोकरी!
Published: 04 May 2018 09:38 PM  Updated: 04 May 2018 09:38 PM

बॉलिवूड अभिनेत्री प्रियांका चोप्रा भारताबरोबरच विदेशातही चर्चित सेलिब्रिटी आहे. केवळ भारतातच नव्हे तर विदेशातही तिच्या चाहत्यांची संख्या अगणित आहे. याचा प्रत्यय सध्या येत असून, प्रियांका ज्या-ज्या ठिकाणी तिच्या अमेरिकन टीव्ही शो ‘क्वांटिको’च्या प्रमोशनसाठी विदेशात जात आहे त्या त्या ठिकाणी चाहत्यांचा तिला प्रचंड प्रतिसाद मिळत आहे. वास्तविक या मालिकेत बरेचसे कलाकार आहेत; परंतु प्रियांकाची लोकप्रियता काही औरच आहे. प्रियांकाचे चाहते तिच्याबद्दल प्रत्येक गोष्ट जाणून घेऊ इच्छितात. अशात प्रियांकाने नुकताच एक आश्चर्यकारक खुलासा केला आहे. 

तुम्हाला सर्वांना माहितीच आहे की, प्रियांकाने तिच्या करिअरची सुरुवात मिस इंडिया वर्ल्डचा ताज जिंकल्यानंतर २००२ मध्ये आलेल्या ‘थामिजान’ या तामिळ चित्रपटातून केली. परंतु तुम्हाला हे जाणून खरोखरच धक्का बसेल की, अभिनय क्षेत्रात येण्याअगोदर प्रियांका चक्क बर्फ खोदण्याचा जॉब करायची. याबाबतचा खुलासा स्वत: प्रियांकानेच केला आहे. 

नुकताच प्रियांकाने एका यूएस मॅगझीनला एक मुलाखत दिली. वीकली यूएस मॅगझीनसोबत चॅट करताना प्रियांकाने सांगितले की, ‘माझी पहिली नोकरी बर्फ खोदण्याची होती. यावेळी प्रियांकाने हेदेखील सांगितले की, चित्रपट असो वा टीव्ही शो माझे स्टंट मी स्वत:च करीत असते. प्रियांका सध्या अमेरिकन टीव्ही सिरीज क्वांटिकोच्या प्रमोशनमध्ये व्यस्त आहे. तसेच लवकरच ती काही बॉलिवूड प्रोजेक्टवरही काम करताना दिसणार आहे. तब्बल दोन वर्षानंतर ती सलमान खान स्टारर ‘भारत’ या चित्रपटातून कमबॅक करणार आहे. 

या चित्रपटाच्या माध्यमातून जवळपास दहा वर्षानंतर प्रियांका-सलमान ही जोडी प्रेक्षकांना पडद्यावर बघावयास मिळणार आहे. या अगोदर हे दोघे २००८ मध्ये आलेल्या ‘गॉड तुस्सी ग्रेट हो’ या चित्रपटात बघावयास मिळाली होती. 


माधुरी दीक्षितचा बकेट लिस्ट बॉक्स ऑफिसवर हिट ठरेल का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :