फिटनेस चॅलेंज स्विकारून दीपिका पादुकोणची झाली फसगत; यूजर्सनी केली पोलखोल!

सध्या देशभरात फिटनेस चॅलेंज हा ट्रेंड चांगलाच हिट होतांना दिसत आहे. अनेक सेलिब्रिटी हे चॅलेंज स्विकारून त्यांचे व्हिडीओ अपलोड करीत आहेत, असाच काहीसा व्हिडीओ दीपिकाने अपलोड केला, मात्र यूजर्सनी तिची पोलखोल केली.

फिटनेस चॅलेंज स्विकारून दीपिका पादुकोणची झाली फसगत; यूजर्सनी केली पोलखोल!
Published: 25 May 2018 02:01 PM  Updated: 25 May 2018 02:02 PM

बॉलिवूडची मस्तानी दीपिका पादुकोण हिने बॅडमिंटन स्टार पीव्ही सिंधूचे चॅलेंज स्विकारत तिच्या ट्विटर अकाउंटवर एक ट्विट केले आहे. या ट्विटमध्ये दीपिकाने धावतानाचा एक झिप व्हिडीओ पोस्ट केला आहे. काळ्या रंगाच्या ट्रॅकशूटमध्ये दीपिका मॉर्निंग वॉक करताना दिसत आहे. हे ट्विट करताना दीपिकाने लिहिले की, ‘मी माझ्या फिटनेसविषयी खूपच उत्साहित आहे. आता माझे नवे ध्येय आहे रनिंग. थॅक्यू पीव्ही सिंधू... तुझे चॅलेंज मी स्विकारले आहे. आता मी मिताली राज, राणी रामपाल आणि आदिती अशोक यांना हे चॅलेंज देऊ इच्छिते. कारण आम्ही आम्ही फिट तर इंडिया फिट.’

फिटनेस चॅलेंजमध्ये भाग घेतल्याचा दीपिकाचा हा व्हिडीओ काही वेळातच सर्वत्र व्हायरल होत आहे. दीपिकाच्या या ट्विटचा सोशल मीडिया यूजर्सकडून चांगलाच समाचार घेतला जात आहे. कारण अनेकांनी तिच्या या ट्विटला विचित्र स्वरूपाच्या प्रतिक्रिया देताना तिची चांगलीच फिरकी घेतली आहे. तर काहींनी दीपिकाच्या या प्रामाणिक प्रयत्नाचे कौतुकही केले. दरम्यान, केंद्रीय क्रिडा राज्यमंत्री राजवर्धन सिंह राठोड यांनी त्यांच्या ट्विटर अकाउंटवर फिटनेस चॅलेंज दिले होते. त्यांनी एक व्हिडीओ शेअर केला होता. ज्यामध्ये ते सलग पुश-अप मारताना दिसत होते. यावेळी त्यांनी सर्वांना त्यांचा फिटनेस मंत्रही सांगितला. तसेच या फिटनेस चॅलेंजमध्ये सहभागी होण्याचे आवाहनही केले. ज्यानंतर मोठ-मोठ्या सेलिब्रिटींनी या चॅलेंज स्विकारण्यास सुरुवात केली आहे. 
 

 

A post shared by Deepika Padukone (@deepikapadukone) on


दरम्यान, दीपिका पादुकोण अगोदर विराट कोहली, हृतिक रोशन, पीव्ही सिंधू, सायना नेहवाल, अनुष्का शर्मा यांनी हे चॅलेंज स्विकारून त्यांच्या-त्यांच्या पद्धतीने वर्कआउट केले. तसेच त्यांनी इतरही काही सेलिब्रिटींना याबाबतचा आवाहन केले. विराट कोहलीने तर चक्क पंतप्रधान नरेंद्र मोदी यांना हे चॅलेंज केले. विशेष म्हणजे मोदी यांनी विराटचे चॅलेंज स्विकारले असून, लवकरच ते त्यांचा फिटनेस व्हिडीओ अपलोड करण्याची शक्यता आहे. 


माधुरी दीक्षितचा बकेट लिस्ट बॉक्स ऑफिसवर हिट ठरेल का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :