संजय कपूरची लेक शनायाने भावाच्या लग्नात लावले ठुमके; व्हिडीओ झाला व्हायरल!

संजय कपूरची मुलगी शनाया कपूर हिने चुलत भाऊ मोहित मारवाह याच्या लग्नात भरपूर एन्जॉय केला. तिच्या डान्सचा एक व्हिडीओ सध्या सोशल मीडियावर व्हायरल होत आहे.

संजय कपूरची लेक शनायाने भावाच्या लग्नात लावले ठुमके; व्हिडीओ झाला व्हायरल!
Published: 22 Feb 2018 06:08 PM  Updated: 22 Feb 2018 06:08 PM

अभिनेता मोहित मारवाह याने नुकतेच त्याची लॉन्ग टाइम गर्लफ्रेंड अंतरा मोटवानी हिच्यासोबत अतिशय धुमधडाक्यात लग्न केले. मोहित आणि अंतराने यूएई येथे साताजन्माच्या गाठी बांधल्या. या लग्नात बॉलिवूडमधील अनेक मोठ्या कलाकारांनी हजेरी लावली होती. मोहितचा चुलत भाऊ अर्जुन कपूर, सोनम कपूर, रेहा कपूर, जान्हवी कपूर आणि खुशी कपूर यांनी लग्नात भरपूर एन्जॉय केला. त्याचबरोबर अनिल कपूर, बोनी कपूर, श्रीदेवी आणि संजय कपूर हेदेखील लग्न  सोहळ्यात बघावयास मिळाले. या सोहळ्यात संजय कपूरची लेक शनाया कपूरने तर असे काही ठुमके लावले की, उपस्थित दंग झाले. शनायाच्या या डान्सचा व्हिडीओ सध्या सोशल मीडियावर व्हायरल होत आहे. 

शनायाचे हे ठुमके बघून ती जान्हवी आणि सोनम कपूरपेक्षा कमी नाही असेच काहीसे दिसून आले. या लग्नसोहळ्यात शनाया खूपच सुंदर दिसत होती. शनायाने यावेळी सीमा खानने डिझाइन केलेला लहेंगा परिधान केला होता. गोल्डन क्रॉप चोळी आणि रेड शायनिंग लहेंग्यामध्ये शनाया खूपच सुंदर दिसत होती. यावेळी शनायाचा डान्स खूपच चर्चेत राहिला. तिने जबरदस्त परफॉर्मन्स करताना अनेकांना दंग केले. शनाया यावेळी अनेक रितीरिवाज पाळतानाही बघावयास मिळाली. 
 

 

A post shared by BOLLYHOLICS (@bollyholics__) on


दरम्यान, शनाया व्यतिरिक्त तिचा चुलत भाऊ अर्जुन कपूर यानेही जोरदार डान्स केला. अर्जुन आणि अनिल कपूर मोहितच्या वरातीत अनिल कपूर स्टाइल डान्स करताना बघावयास मिळाले, तर कधी अर्जुन नवरदेवाच्या बग्गीमध्ये उभा राहून नाचताना दिसून आला. या लग्नात सोनम कपूरही तिचा बॉयफ्रेंड आनंद आहुजासोबत पोहोचली होती. त्याव्यतिरिक्त करण जोहर, श्वेता बच्चन, अथिया शेट्टी, अधर जैन, सीमा खान हेदेखील उपस्थित होते. 


माधुरी दीक्षितचा बकेट लिस्ट बॉक्स ऑफिसवर हिट ठरेल का?

ABOUT US

CNX Masti is India's first and largest entertainment destination in Marathi. It brings you the latest news and happenings from the world of Marathi cinema, Bollywood, Hollywood, Television, Marathi theatre, live events and parties. Click for some exclusive gossips, interviews, behind the scenes, latest movie reviews and celebrity interviews. CNX Masti is truly the BAAP OF ENTERTAINMENT in Marathi.

Follow us :